المغرب تحت المجهر :رضوان المكي السباعي
من المعلوم ان كوريا ليست هي بلاد الفراشات و الbts و مسلسلات الحنان و النعومة… كوريا فيها جانب مظلم مرعب عنصري ماكايبانش فالميديا.. هاد الجانب المظلم الآن كايتمارس بالوحشية ديالو على مواطن مغربي ابن جلدتنا، هاد المشهد من سجن فكوريا الجنوبية فمدينة هواسونغ مقاطعة كيونغ جي جنوب البلاد ، و هاد الشخص لي مكتفينو بهاد الطريقة اللاإنسانية و مغطيين ليه راسو … هو مواطن مغربي شاب مشا تما و انتهت ليه مدة صلاحية الاوراق ديالو و طالبهم بالترحيل ، فجاوبوه بالاعتقال القسري فزنزانة انفرادية موحشة مكتف اليدين و الرجلين معصوب العينين بنفس هاد الطريقة الإجرامية لي فالصورة لمدة 6 أشهر !! اه لمدة 6 أشهر … و بإمكانك تتخايل حجم العداب النفسي و البدني لي غايكوب حس به مسكين…
الدستور المغربي ينص على ضمان حماية السلامة الجسدية و المعنوية للمواطنين المغاربة داخل الوطن و خارجه…كنطالبو من الخارجية المغربية سفارة المغرب بسيول يتحملو مسؤولتيهم و يتدخلو بشكل عاجل لإنقاد هاد الشاب قبل فوات الأوان..
